काठमाडौं ४ माघ–
नेपाली कांग्रेसले संसदीय दलको नेता समिति गठन गरेको छ । प्रमुख नेताहरुबीच विवाद भएपछि आज बसेको केन्द्रीय समितिको बैठकले संसदीय दलको नेता चयन गर्न समिति बनाएको हो । बैठकले ससदीय दलको नेता चयनका लागि प्रवक्ता दिलेन्द्र बडुको संयोजकत्वमा निर्वाचन समिति गठन गरेको नेता प्रकाशरण महतले जानकारी दिए ।
समितिमा केन्द्रीय सदस्य रमेश रिजाल र रामचन्द्र तिवारीलाई सदस्यका रुपमा राखिएको छ। समितिले गर्ने सिफारिसका आधारमा फेरि केन्द्रीय समितिले निर्णय गर्नेछ । कांग्रेसमा संसदीय दलको नेता प्रधानमन्त्री हुने नीति छ ।
प्रधानमन्त्रीका आकंक्षी सभापति सुशील कोइराला, बरिष्ठ नेता शेरवहादुर देउवा र उपसभापति रामचन्द्र पौडेलवीच सहमति नभए निर्वाचन समितिले संसदीय दलको नेता चयनका लागि संसदीय दलको निर्वाचन गराउने छ ।
